الحصول على A+!! "بعيدًا عن المثالية"

السلام عليكم...

مرحبًا يا أصدقاء!!

مثل ماهو موضح بالعنوان، كيف اجيب A+ ! طيب انا ماراح اكون مثل الناس الباقين 'المثاليين جدًا' الي يطبقون صفات الانسان الناجح اصحى ٤ الفجر واسوي رياضة بعدها بساعة وما الى ذلك، بتكلم عن نفسي وطريقتي الي تخليني اجيب قريدات عالية بدون المبالغات الي تكون بأغلب فيديوات اليوتيوب😁

طبعًا ما انكر انها مفيدة وبالعكس ترا الي يطبقونها فعلًا يحصلون على علامات كاملة وعالية لكن احنا نتكلم عن LIFESTYLE شيء راح اطبقه طول عمري، ومو منطقي اني اتبع صفات الانسان الناجح الخيالية مثلًا كل يوم!

من الطرق الي اسويها وترتب لي مخي:

١. دفاتر التخطيط او الجداول

هذول مهمين جدًا عشان ترتبون نفسكم وتكتبون مواعيد الاختبارات وتسليم المشاريع، واجبات، اي شيء المهم تكبتونهم عشان يكون عندكم رؤية واضحة لكل حاجة تبغون تخلصونها.
بالنسبة لي استخدمهم كلهم بس الافضل واحد منهم عشان ما تتشتتون، الجدول بالصورة الثانية تلقونهم مليااااان بتويتر وبمختلف التصاميم بس انا حبيت هذا💗 التحميل من هنا والحقوق محفوظة لصاحبته:
https://drive.google.com/file/d/1h83nKDagKos0D_AW9QYswZ3Oz0lTF4p6/view

ادري اغلبكم عنده او بعضكم يقول خلص الترم لكن مو مشكلة ابدأ متأخر خيرًا من ان لا تبدأ خير شر😃
ولا تنسون الفاينلز على ابواب😉

٢. الاكل الصحي والرياضة والنوم
هال٣عناصر ما تدرون قد ايش مهمين وكيف يأثرون بحياتنا بشكل ما تتخيلون، لما طول اليوم تخبصون بأكلكم وكله خرابيط طبيعي جسمك بيتعب لانه مافيه اكل حقيقي يستفيد منه!
ونفس الكلام ينطبق للرياضة، الرياضة يا جماعة الخير تعطي طاقة ودفعة لليوم، ما اقولكم كل يوم تسوونها لكن على الاقل ٣ ايام بالاسبوع بتفرق معاكم!
وما أنسى العلاج السري بالنسبة لي "المشي"🙏🏼
واخيرًا النوم، يقولك اذا زان نومك زان يومك صح ولا لا😜!
انا صراحة انام متأخر دايم وما احب قومة الصبح بالدوام تنكد علي بشكل، لكن بأيام الاختبارات ضروري انام بدري شوي عشان اصحى الفجر واخلص.

تقريبًا المواضيع الي ذكرتها هي خلتني اوازن بين حياتي ومافيه شي ثاني يأثر علي كثرهم.
مجرد نصائح ومعلومات لو تطبقونها بإذن الله تشوفون الفرق 💗!!!

وقريب ان شاءالله راح اكتب طرق مذاكرتي وتلخيصي للمواد...
بالتوفيق