Nutrition Facts - الملصق الغذائي

إيش هو ؟ وإيش فايدته؟ ( ترا ماراح اشرحه بطريقة علمية بحته،تقدرون تدورون بقوقل اذا بغيتوه علمي اكثر)

اغلب الناس للاسف يسحبووون عليه ولا يدرون اصلاً وش فايدته

هو عبارة عن ملصق يوضح كمية العناصر الغذائية الموجودة في المنتج الي معاك

يعني كيف؟ يعني انت عندك إحتياج ليومك تسمى " سعرات حرارية "

***عشان تعرف كم سعرة تحتاج ابحث في قوقل ( iifym ) ودخل بياناتك وراح يعطيك عدد السعرات الي تحتاجها ليومك 

راح يقولك عدد السعرات الي تنقص فيها وزنك والي تثبته والي تزيده

طيب الحين نجي لكل واحد وهدفه ، انت وش هدفك؟ تنقص وزنك؟تثبته؟ او تزيده؟

اذا تبي تنزلها تشوف السعرات المطلوبة عشان تنقص

طيب بتكلم عن هدفي انا الي هو " تثبيت " ، السعرات الي لازم اكلها خلال اليوم تقريباً

1985 كالوريز ، اذا اكلت اكثر راح يزيد وزني والعكس صحيح.

وماننسى احتياجنا من الدهون والبروتين والكارب يعني مو صح اكل طول اليوم كارب واقول من ضمن سعراتي؟ صح ما تسمن بس راح يضرك وجسمك ماراح يعجبك

المقياس العالمي يكون يومك ٢٠٪ دهون ٤٠٪ كارب ٤٠٪ بروتين .

طيب الحين عرفت هدفي واحتياجي ، كيف احسب سعرات الاكل؟

تحسبها من خلال " الملصق الغذائي (nutrition facts) " 

ومره واضح وسهل بعطيكم مثال ..

هذا زبادي قليل الدسم .. مكتوب لكل ١٠٠جم=٥٢كيلو كالوري 

هل معناتها ان هالزبادي كله فيه ٥٢ سعرة؟ لا لازم تشوفون العلبة بكبرها كم جرام

ومكتوب بالعلبة ١٧٠جم ، وفيه قاعدة الي هي : حجم العلبة كله تقسيم حجم الحصة 

ونضرب الناتج بعدد سعرات الحصة ويطلع عدد سعرات العلبة كاملة ، صعب؟

١٠٠/١٧٠ = ١.٧ * ٥٢ = ٨٨.٤سعرة

اول شي انا بديت احسب السعرات وشوي شوي صرت بالتقريب بعدين معد صرت احتاج لاني تعودت واعرف هالمنتج هل يناسب ليومي او لا

السالفة سهلة وبسيطة ومع التكرار بتتعودون واصلاً بتنتبسطون

عساكم عاد استفتدتم وتطبقونها مو اول يومين بعدين تطفشون

الحياة تجارب جربوا كل شي لين ينفع معكم ، وأقرو وتثقفوا عن هالمواضيع

بتلقونها بكل مكااان انتم بس توكلوا على الله وابدؤو!!